Myndbönd

Opið hús í Háskóla Íslands

Háskóladagurinn – Opið hús í Háskóla Íslands, laugardaginn 19. febrúar milli kl. 11 og 16

Háskóli Íslands býður landsmönnum á öllum aldri í heimsókn laugardaginn 19. febrúar þar sem í boði verða ótal viðburðir, kynningar og uppákomur sem sýna vísindin í litríku og lifandi ljósi.

Gestir geta kynnt sér fjölbreytt námsframboð háskólans, bæði grunn- og framhaldsnám,  starfsemi og þjónustu, skoðað rannsóknastofur, tæki, búnað og húsakynni. Á staðnum verða  vísindamenn og nemendur úr öllum deildum skólans sem svara spurningum um allt milli himins og jarðar – eða því sem næst.

Opið verður í Aðalbyggingu, Háskólatorgi, Gimli, Odda og Öskju.  Að sjálfsögðu verður Sprengjugengið landsfræga með litríkar sýningar í Háskólabíói! Gestir geta tekið þátt í happdrætti þar sem glæsilegir vinningar verða í boði.