Úthlutanir hefjast úr Rannsóknasjóði



Úthlutanir hefjast úr Rannsóknasjóði. Hann var stofnaður til að veita kennurum og sérfræðingum háskólans styrki til vel skilgreindra verkefna er hafa vísindalegt gildi að mati sérfróðra umsagnaraðila. Í fyrstu var greitt úr sjóðnum vegna yfirvinnu kennara og sérfræðinga auk annars kostnaðar. Styrkveitingarnar þróuðst svo í að meirihluti fjárins fór til styrktar aðstoðarmönnum við rannsóknir.

Sjá nánar

Á heimasíðu sjóðsins kemur þetta fram árið 2011: Tilgangur Rannsóknasjóðs Háskóla Íslands er að efla rannsóknastarfsemi í háskólanum. Stjórn sjóðsins er í höndum vísindanefndar háskólaráðs og er formaður nefndarinnar jafnframt formaður stjórnar sjóðsins. Stjórnin ákveður vinnureglur sem beitt er við úthlutun.