Hátíðarfyrirlestraröð rektors
Þrír hátíðarfyrirlestrar, sem rektor Háskóla Íslands bauð sérstaklega til, voru fluttir í Hátíðasal á árinu.:
- Dr. Kári Stefánsson, forstjóri Íslenskrar erfðagreiningar og yfirmaður rannsókna hélt fyrsta fyrirlesturinn í röðinni 15. janúar. Fyrirlestur Kára nefndist „Hönnun manns – hvernig maðurinn skapast af samspili erfða og umhverfis“.
- Dr. Hilmar B. Janusson, framkvæmdastjóri þróunarsviðs Össurar hf., flutti erindi í röðinni 7. maí 2011. Erindið bar yfirskriftina „Hreyfing mannsins. Frá hreyfihömlun til afreka.
- Dr. Nemat Shafik, aðstoðarframkvæmdastjóri Alþjóðagjaldeyrissjóðsins, flutti erindi 28. október 2011. Erindið bar yfirskriftina „Global Economic Challenges and Fostering Future Prosperity“
Einn af þeim bestu
Í október þetta ár komst Háskóli Íslands í fyrsta sinn á lista Times Higher Education World University Rankings yfir 300 bestu háskóla heims, af þeim rúmlega 17.000 háskólum sem til eru.
Times Higher Education World University Rankings er annar af tveimur helstu listum þar sem gæði háskóla eru metin. Samkvæmt listanum var Háskóli Íslands skráður í 276. sæti fyrir tímabilið 2011–2012 og lenti því meðal þeirra 2% háskóla sem bestir eru taldir í heiminum.
Öndvegisfyrirlestrar
Hvert hinna fimm fræðasviða Háskóla Íslands var í sviðsljósinu í einn mánuð á afmælisárinu og stóð hvert um sig fyrir metnaðarfullri dagskrá. Buðu sviðin erlendum fyrirlesurum að halda öndvegisfyrirlestra við skólann.
Fjársjóður framtíðar - Afmælishátíð 8. október
Afmælishátíðin í Hörpu var hápunktur afmælisdagskrár Háskóla Íslands og var yfirskrift hennar Fjársjóður framtíðar. Boðið var upp á fjölbreytta og lifandi dagskrá. Starfsfólk, stúdentar, samstarfsaðilar og velunnarar Háskóla Íslands sóttu hátíðina og voru gestir vel á annað þúsund. Dagskrá hátíðarinnar fór fram á sviði Eldborgar og þar gerðu nemendur, starfsmenn og ýmsir listamenn starfi og sögu skólans skil í máli, myndum, leik og tónum.
Hér eru nokkrar svipmyndir frá hátíðinni:
