2012
Vísindasmiðjan opnuð
Vísindasmiðja Háskóla Íslands var formlega opnuð 18. febrúar 2012, í Háskólabíói. Markmiðið með Vísindasmiðjunni er að efla áhuga ungmenna á vísindum með gagnvirkum og lifandi hætti og ýta undir framþróun kennslu í náttúru-og raunvísindum á öllum skólastigum.
Á myndinni sést Katrín Lilja Sigurðardóttir, Sprengju-Kata, segja gestum Vísindasmiðjunnar frá undrum efnafræðinnar.
![Sprengjugengið. Vísindasmiðja Háskóla Íslands.](/sites/dev-aldarafmaeli.hi.is/files/styles/squared_small/public/2023-02/visindasmidjan.jpeg?h=901a1917&itok=8y4hZ-x3 479w, /sites/dev-aldarafmaeli.hi.is/files/styles/squared_medium/public/2023-02/visindasmidjan.jpeg?h=901a1917&itok=1-B9QgcM 480w, /sites/dev-aldarafmaeli.hi.is/files/styles/squared_large/public/2023-02/visindasmidjan.jpeg?h=901a1917&itok=p90FxV9I 768w)
Háskólar samnýta krafta kennara
Rektorar opinberu háskólanna fjögurra skrifuðu undir samkomulag á haustmánuðum þess eðlis að fastráðinn kennari við einn af opinberu háskólunum fjórum getur nú uppfyllt kennsluskyldu sína við aðra háskóla en þann sem hann er ráðinn til.
Háskólar sem eru aðilar að samningnum eru Háskóli Íslands, Háskólinn á Akureyri, Landbúnaðarháskóli Íslands og Hólaskóli –Háskólinn á Hólum.
Á myndinni eru rektorar háskólanna fjögurra við undirritun samningsins. Frá vinstri: Erla Björk Örnólfsdóttir, rektor Hólaskóla, Kristín Ingólfsdóttir, rektor Háskóla Íslands, Stefán B. Sigurðsson, rektor Háskólans á Akureyri, og Ágúst Sigurðsson, rektor Landbúnaðarháskóla Íslands.
![Rektorar opinberu háskólanna 2012. Erla Björk Örnólfsdóttir, rektor Hólaskóla, Kristín Ingólfsdóttir, rektor Háskóla Íslands, Stefán B. Sigurðsson, rektor Háskólans á Akureyri, og Ágúst Sigurðsson, rektor Landbúnaðarháskóla Íslands.](/sites/dev-aldarafmaeli.hi.is/files/styles/squared_small/public/2023-02/rektorar_2012.jpg?h=fbf7a813&itok=lbczo5so 479w, /sites/dev-aldarafmaeli.hi.is/files/styles/squared_medium/public/2023-02/rektorar_2012.jpg?h=fbf7a813&itok=-1-d98Gd 480w, /sites/dev-aldarafmaeli.hi.is/files/styles/squared_large/public/2023-02/rektorar_2012.jpg?h=fbf7a813&itok=sqgrWkEc 768w)
Háskólatorg stækkað
Háskólatorg var stækkað með nýrri viðbyggingu þetta ár. Byggður var 561 fermetra Stúdentakjallari og torgið sjálft stækkað um 238 fermetra. Framkvæmdum var að mestu lokið í árslok. Félagsstofnun stúdenta stóð fyrir framkvæmdinni í samráði við framkvæmda- og tæknisvið háskólans.
Myndin er frá upphafi framkæmda við stækkunina, sumarið 2012.
![Upphaf framkvæmda við stækkun Háskólatorgs sumarið 2012.](/sites/dev-aldarafmaeli.hi.is/files/styles/squared_small/public/2023-02/haskolatorg_staekkun.jpg?h=fbf7a813&itok=BOkkCpUM 479w, /sites/dev-aldarafmaeli.hi.is/files/styles/squared_medium/public/2023-02/haskolatorg_staekkun.jpg?h=fbf7a813&itok=9pN_mdgg 480w, /sites/dev-aldarafmaeli.hi.is/files/styles/squared_large/public/2023-02/haskolatorg_staekkun.jpg?h=fbf7a813&itok=Y4rupklV 768w)