1995
Háskóli Íslands kaupir Nýja-Garð
Háskóli Íslands kaupir Nýja-Garð af Félagsstofun stúdenta undir starfsemi sína. Einnig kaupir skólinn Neshaga 16 fyrir skrifstofur kennara og stofnana.
Reykherbergi bönnuð í Háskóla Íslands
Stúdentar ræða málin fyrir framan anddyri Hátíðasals. Á þessum tíma mátti reykja í háskólanum en bann við reykingum var ákveðið frá 1. janúar 1995. Á myndinni sést öskubakki á borðum.
Nemendur við Endurmenntunarstofnun
Hópur nemenda sem lauk þriggja ára námi í rekstrar- og viðskiptagreinum við Endurmenntunarstofnun árið 1995. Fremst sitja Valdimar K. Jónsson, prófessor og stjórnarformaður stofnunarinnar, Sveinbjörn Björnsson, rektor Háskóla Íslands, og Margrét Björnsdóttir, endurmenntunarstjóri háskólans.
Fyrsta útskrift djákna
Myndin er tekin eftir fyrstu útskrift djákna við Háskóla Íslands í háskólakapellu þann 4. febrúar þetta ár. Að athöfninni í kapellunni lokinni fögnuðu nýju djáknarnir ásamt velunnurum í stofu guðfræðideildar á 2. hæð í Aðalbyggingu.
