1946
Ný fræðslulöggjöf sett á Íslandi
Ný fræðslulöggjöf sett á Íslandi árið 1946. Með löggjöfinni voru opinberir skólar í landinu, sem voru kostaðir eða styrktir af almannafé, í fyrsta sinn felldir inn í skilgreint, samfellt skólakerfi og var það grundvallarmarkmið laganna. Samkvæmt nýju lögunum var tekið upp samræmt skólakerfi um land allt sem greindist í fjögur stig, barnafræðslustig, gagnfræðastig, menntaskóla- og sérskólastig og háskólastig.
Annað meginmarkmið fræðslulaganna 1946 var að jafna möguleika ungs fólks til náms og opna leiðir til áframhaldandi menntunar að loknu skyldunámi. Breytingar á skólakerfinu þetta ár gerðu nemendum kleift að þreyta landspróf en það veitti þeim aðgang að menntaskólum og með því voru inntökupróf í þá lögð niður og menntaskólanámið stytt úr sex árum í fjögur.
Stúdentaráð fundar
Stúdentaráð 1946-1947. Frá vinstri:
- Þorvaldur Garðar Kristjánsson
- Ingi R. Helgason
- Björn Jónsson
- Hermann Pálsson
- Geir Hallgrímsson formaður
- Skúli Guðmundsson
- Gunnar Sigurðsson
- Ásgeir Pétursson
- Guðlaugur Þorvaldsson.
Áslaug Geirsdóttir, prófessor í jarðfræði, dóttir Geirs Hallgrímssonar, lánaði myndina til skönnunar í mars 2006. Ásgeir mun hafa verið fundarritari og ekkja Geirs á dagbók/fundargerðabók frá þessum tíma sem hann hefur ritað.
Íþróttahús Háskóla Íslands í byggingu
Íþróttahúsið reis þetta ár. Það var tekið formlega í notkun ári síðar
