1983

Skráðir nemendur í upphafi skólaárs

Nemendur við Háskóla Íslands eru skráðir 4.133 við upphaf skólaárs þetta ár. Nýskráðir stúdentar voru samtals 1777. Flestir stúdentar voru skráðir til náms í heimspekideild.

Úthlutanir hefjast úr Rannsóknasjóði

Úthlutanir hefjast úr Rannsóknasjóði. Hann var stofnaður til að veita kennurum og sérfræðingum háskólans styrki til vel skilgreindra verkefna er hafa vísindalegt gildi að mati sérfróðra umsagnaraðila. Í fyrstu var greitt úr sjóðnum vegna yfirvinnu kennara og sérfræðinga auk annars kostnaðar. Styrkveitingarnar þróuðst svo í að meirihluti fjárins fór til styrktar aðstoðarmönnum við rannsóknir.

Á heimasíðu sjóðsins kemur þetta fram árið 2011: Tilgangur Rannsóknasjóðs Háskóla Íslands er að efla rannsóknastarfsemi í háskólanum. Stjórn sjóðsins er í höndum vísindanefndar háskólaráðs og er formaður nefndarinnar jafnframt formaður stjórnar sjóðsins. Stjórnin ákveður vinnureglur sem beitt er við

Endurmenntunarnefnd Háskóla Íslands hefur starfsemi

Endurmenntunarnefnd Háskóla Íslands starfar frá þessu ári til ársins 1991 en þá var sett á stofn með lagabreytingu Endurmenntunarstofnun Háskóla Íslands. Smám saman þróaðist samvinna við opinberar stofnanir, félagasamtök og einkafyrirtæki. Jafnframt hefur fræðslustarfsemi á vegum stofnunarinnar leitt til þess að stofnuð hafa verið félög og samtök um sértæk fagmál. Námskeiðsgjald hefur staðið undir launum kennara og öðrum rekstrarkostnaði.

Endurmenntunarstofnun Háskóla Íslands er ein fárra stofnana háskólans sem hefur reist sér húsnæði á háskólalóðinni fyrir eigið rekstrarfé. Árið 1987 flutti Endurmenntun í Tæknigarð, sem var þá nýbyggður, og fékk þar tvær kennslustofur til umráða. Í október 1998 flutti Endurmenntunarstofnun í nýtt hús við Dunhaga 7. Fyrsta skóflustunga var tekin 30. mars og húsið tekið í notkun 1. október sama ár. Húsið tilheyrir Endurmenntunarstofnun og tölvunarfræði Háskóla Íslands að hluta.